WAKULIMA WAZUNGUMZIA CHANGAMOTO KUBWA ZINAZO WAKABILI

PICHA NA; BERNARD AHIMIDIWE

W

akulima wengi nchini Tanzania wamekua wakipitia changamoto nyingi sana katika kilimo, changamoto hizo zimechangia kwa kiasi kikubwa katika kurudusha nyuma maendeleo ya kilimo na  nchi kwa ujumla, kwa sababu kilimo ndio uti wa mgongo wa taifa letu, na kutokana na sera ya serikali ya awamu ya (5)  “serikali ya viwanda”  ni dhahiri kua kilimo ni sekta muhimu sana.

Team ya vijana(5) tulifunga safari mpaka mkoani Morogoro kuzungumza na wakulima wa mkoani humo ili kufahamu hali halisi ya wakulima wadogo wadogo na kujifunza vingi kutoka kwao  na kufahamu ni changamoto gani hasa wanazo kumbana nazo kila siku, pia tulitumia fursa hiyo kuwapatia elimu na ushauri wa kitaalamu itakayo wasaidia katika kufanya kilimo chenye tija .

Bi Jonisia Machibya(79) ni mkazi na mkulima Lukobe mkoani Morogoro, yeye ni mkulima mdogo wa mahindi na maharage, na analima kiasi cha ekari 2, anasema… hakumbuki hasa ni lini alianza kilimo ila ni zaidi ya miaka 20,  kwa kawaidia huvuna kiasi cha gunia mbili hadi tatu za mahindi

PICHA NA; BERNARD AHIMIDIWE

kwa hekari zote. Anasema…. kilimo mara nyingi hua kina changamoto nyingi sana na pia hutofautiana kila mwaka. “mfano mwaka huu kilimo kimekua kigumu sana kutokana na mvua kuchelewa kunyesha” Anaongeza.. Hawajui cha kufanya kwa sababu wadudu wanashambulia mahindi shambani, hata ukipita mashamba mengine huko ukiangalia wadudu wamekula mazao  sana. Pia anasema changamoto nyingine anayo pitia ni upatikanaji wa elimu ya kilimo, Tangia miaka mingi amekua akilima mahindi lakini anasikia tu kwa watu wengine lakini yeye ajawahi kuvuna zaidi ya gunia tatu, kutokana na changamoto kua nyingi sababu na hajawahi kupata kupata fursa ya kupata elimu itakayo muwezesha nayeye avune mazao mengi.

 Bi Jonisia anasema anaiomba serikali iwakumbuke iwasaidie waweze kupata elimu ya kilimo kwa sababu imekua ni changamoto kubwa sana kwao, na pia anaomba serikali iwawezeshe kupata dawa za wadudu wanao shambulia mahindi yao. Alimaliza kwa kusisitiza kua serikali iwasaidie mapema waweze kupata dawa za wadudu hao. Baada ya kuzungumza na Bi jonisia, tulipata muda wa kukaa na kuzungumza nae kujifunza kupitia uzoefu wake alio nao katika kilimo, pia tulimpatia elimu bora kuhusu kilimo bora za mahindi, pia tulimuelekeza tiba na mbinu ambazo anaweza kuzitumia ili kupambana na tatizo la wadudu shambani.

Baada ya kuzungumza na Bi jonisia tuliamua kuelekea maeneo mengine kufahamu ni changamoto gani pia zinawakumba wakulima katika maeneo mengine. Na tulifunga safari mpaka Mazimbu- Morogoro. Na tulibahatika kupata fursa ya kuzungumza na mmoja wa wakulima wadogo maeneo hayo.

  Ndugu Salehe Ramadhani ni mkulima mdogo anae patikana Mazimbu- Morogoro, yeye pia ni mkulima wa mahindi na mboga mboga, na ameamua kujikita kaTika kilimo mda mrefu sana Anasema ameanza kulima tangia Miaka ya 1970, Anasema kwa kipindi cha miaka hiyo yote amekua akilima kwa kutumia jembe la mkono hadi sasa. Na tulipata fursa ya kutembelea shamba lake pia  kujionea hali harisi ya shamba lake.

Ndugu Salehe anasema yeye hulima ekari 1.5 na umchukua mda wa wiki mbili hadi tatu kukamilisha kulima, anasema anachukua mda mrefu kutokana na kutokua na nyenzo nzuri za kilimo. Anasema kwa kawaida yeye huvuna kiasi cha guni 6 hadi 10 katika eneo lake na mavuno hutofautiana mfano mwaka jana alivuna gunia 10. Baada ya kuzungumza na Ndugu salehe na kufahamu mengi kuhusu kilimo anachofanya, tukapata fursa ya kuzunguka na kututizama shamba lake. Nawakati wakuzifahamu changamoto anazo zipitia ukafika. Ndugu Salehe anachema anapitia changamoto nyingi sana katika shughuri zake za kilimo, ila changomoto kubwa zikiwa ni: wadudu kushambulia sana shambani, anasema wadudu wamekua ni tishio, unaweza kukuta robo tatu ya mahindi yote wadudu wameshambulia licha ya kutumia dawa tofauti tofauti.

PICHA NA; BERNARD AHIMIDIWE

Ndugu salehe anaendelea kwa kusema changamoto nyingine ambayo inawakabili ni upatikanaji wa mbegu bora, Anaelezea kua mbegu wanazo tumia mara nyingi hua hazitoi mazao ya kutosha na pia ukuaji wake hua ni wakusuasua sana, Na changamoto nyingine ambayo imetusumbua sana mwaka huu ni mvua kubwa kupita kiasi, Anasema kama ukitazama  unaweza ukaona jinsi mvua ilivyo haribu baadhi ya mahindi, na pia mvua hizi kubwa zimepelekea sana katika  kuchochea ukuaji wa haraka wa magugu, anasema amejitahidi sana kupalilia kwa wakati lakini baada ya muda kidogo tu magugu yameshakua kwa kasi sana.

Ndugu salehe anatoa wito kwa serikali na taasisi zingine zinazo husika ziweze kuwasaidia waweze kupata mbegu bora ambazo zitakua na mazao mengi tofauti na hizi wanazo zitumia sasa, pia anaomba serikali iweze kuwasaidia kupata dawa ambazo zitaondoa kabisa tatizo la wadudu mashambani kwasababu wadudu wamesababisha sana hasara kwao, wakisha ingia shambani wakashambulia mahindi mara nyingi hata mavuno ya mahindi hua yanapungua sana na wengine husindwa kabisa hata kurudisha gharama zao walizo tumia katika kulima.  

                                                                                  

Makala hii imeandikwa na; Imani Lubaba                    

Mawasiliano; +255 764 148 8221

Barua pepe: rubabaimani@gmail.com
 

Mpiga picha; Bernard Ahimidiwe

Washiriki: Juvenal Lasway

                       Abdallah Saidi

                     Selemani saidi

                    Bernard Ahimidiwe

                    Imani Lubaba