UFUGAJI WA MENDE FURSA MPYA MJINI

Mende ni moja kati ya wadudu ambao wamekua wakichukiwa na watu wengi sana. Hii ni kutokana na mtazamo wa watu kua mende ni wadudu wachafu na hawastaili kuwa karibu na binadamu. Lakini hii imekua tofauti kwa watu wengine hivyo wameamua kuona fursa katika ufugaji wa mende. Mende ni moja kati ya wadudu wenye matumizi mengi sana hutumiwa kama chakula kwa mifugo na hata binadamu, inaaminika kua mende hua na kiasi kikubwa sana cha protini. Mende hutumiwa kama kitoeo katika maeneo tofauti tofauti huku china, Denmark na Brazili ikiongoza kwa kua na watumiaji wengi na uaminika kua mende hutumiwa na watu wenye kipato cha juu hii ni kutikana na kua mende hua na gharama katika kuwanunua.

Mende utumika kwa matumizi tofauti tofauti, hutumika kama chakula cha mifugo kama vile kuku, bata, sungura, samaki, lakini pia utumika kama chakula kwa binadamu,hutumika katika matumizi ya kielimu na hutumika kutengeneza  bidhaa za urembo na dawa mbali mbali.

Kwa sasa hapa Tanzania mende hufugwa na  wafugaji mbalimbali japo sio kwa kiasi kikubwa. Na kwa mujibu wa wafugaji wa mende hapa Tanzania, Ni bora kufuga mende kuliko kufuga mifugo mingine. Hii ni kwa sababu mende hua na faida kubwa sana, na hawana gharama katika kuwafuga. Wafugaji wengi husema kua soko kubwa ni nje ya nchi na mende hununuliwa na wachina ambao hutumia mende kama kitoeo na kwa kilo Moja ya Mende huuzwa 70,000Tsh, Japo pia wafugaji wa mende wamekua wakipata wateja wazawa na taasisi mbalimbali ambazo wao hutumia  mende katika shughuri za kielimu na kama chakula kwa mifugo, na kwa kawaida mende mmoja huuzwa kwa bei ya 1,000Tsh.

Chakushangaza ni kwamba licha ya mende kua na faida kubwa hugharimu pesa kidogo katika kuanza kuwafuga na hata katika kuwatunza. Mende mzazi hununuliwa kwa bei ya TSH 1,000 kwa jike na dume na sanduku la kuwafugia huuzwa TSH100, 000. Hivyo ni gharama ambayo mtu yeyote anaweza kumudu kuanza kufuga. Na kwa mujibu ya wafugaji wa mende hugharimu kiasi kisicho zidi 5,000 kwa mende 3,000 katika kuwalisha. Chakula cha mende hakiumizi kichwa kabisa kwa sababu chakula chake ni rahisi kupatikana na pia ni kwa gharama nafuu sana. Mende hula unga, matunda ya aina yoyote ugali e.t.c Hivyo mtu yeyote anaweza kufuga.

Soko la mende limekua likikua siku hadi siku hivyo imefanya wafugaji washindwe kukidhi soko hii nikutokana na kuzalisha mende wachache, hivyo wanatoa wito kwa watanzania wengine kuweza kuchangamklia fursa kuanza ufugaji wa mende.

TAZAMA VIDEO KWA KUBOFYA PICHA JUU NA SUBSCRIBE KUA WAKWANZA KUPATA ELIMU KILA WIKI

Imeandaliwa na kuandikwa na IMANI LUBABA, +255 764148221, rubabaimani@gmail.com