Wafugaji wa Kuku wa Mayai Sengerema Wala Shavu Kutoka Koudijs

Sengerema, Mwanza – Katika juhudi za kuinua sekta ya ufugaji wa kuku kibiashara nchini Tanzania, kampuni ya kimataifa ya Koudijs imeendelea kudhihirisha kuwa wao si wauzaji tu wa bidhaa bora za chakula cha mifugo, bali pia ni mshirika mkubwa wa maendeleo kwa wafugaji.

Wiki hii, kundi la wafugaji wa kuku wa mayai kutoka Sengerema limefika katika ofisi za Koudijs zilizopo eneo la Buzuruga, Mwanza, kwa lengo la kupata elimu ya bure kuhusu ufugaji wa kuku kibiashara. Elimu hii inajumuisha mbinu bora za ufugaji, usimamizi wa lishe, uboreshaji wa uzalishaji wa mayai, pamoja na namna ya kudhibiti magonjwa kwa njia salama na endelevu.

Koudijs: Zaidi ya Lishe – Ni Dira ya Mafanikio kwa Wafugaji

Koudijs ni kampuni ya kimataifa iliyobobea katika utengenezaji na usambazaji wa chakula cha mifugo, ikiwa na historia ya kusaidia maelfu ya wafugaji Afrika Mashariki. Kupitia huduma zao za kipekee, kampuni hii huwahudumia wafugaji kwa kuwapatia:

Lishe bora yenye virutubishi kamili kwa kuku wa mayai
Ushauri wa kitaalamu kutoka kwa wataalamu wa mifugo
Mafunzo ya ana kwa ana na kwa njia ya mtandao
Miongozo ya kudhibiti magonjwa na kupunguza gharama za uzalishaji

Wafugaji waliotembelea ofisi za Koudijs wameeleza kufurahishwa sana na elimu waliyoipata. Mmoja wao aliejitambulisha kwa jina la SIJO STORE alisema:

“Tulidhani tunachohitaji ni chakula tu kwa kuku wetu, lakini Koudijs wametufungua macho – wameonyesha kuwa elimu ndiyo msingi wa mafanikio katika ufugaji wa kisasa.”

Kwa wakulima na wafugaji wanaotamani kubadilisha maisha yao kupitia ufugaji wa kuku wa mayai, Koudijs ni mshirika wa kuaminika.